e-KYC application | పాస్ పుస్తకాలు రెడీ
- జనవరి 2 నుండి 9 వ తేది వరకు కొత్తవి పంపిణీ
- కలెక్టర్ జి.రాజకుమారి
e-KYC application | నంద్యాల బ్యూరో, ఆంధ్రప్రభ : రాష్ట్ర భూపరిపాలన ప్రధాన కమిషనర్ ఆదేశాల మేరకు, తిరిగి సర్వే చేయబడిన గ్రామాల్లో కొత్త పట్టాదార్ పాస్ పుస్తకాలను వచ్చే ఏడాది జనవరి 2 నుంచి 9 వరకు పంపిణీ(distribution)చేసేందుకు ఏర్పాట్లు చేస్తున్నట్లు కలెక్టర్ జి. రాజకుమారి ఈ రోజు తెలిపారు.
ఆంధ్రప్రదేశ్ భూమి, పట్టాదార్ పాస్ పుస్తకాలపై హక్కుల చట్టం, 1971 ప్రకారం(as per 1971), పునఃసర్వేలో భాగంగా రూపొందించిన కొత్త పట్టాదార్ పాస్ పుస్తకాలలో రాజకీయ పార్టీల లోగోలు, పేర్లను తొలగించి, ఆంధ్రప్రదేశ్ ప్రభుత్వ చిహ్నాన్ని చేర్చడం జరిగిందని కలెక్టర్ తెలిపారు. ఈ నేపథ్యంలో, జిల్లాలోని అన్ని మండలాలు, గ్రామాల్లో సజావుగా, పారదర్శకంగా పంపిణీ కార్యక్రమం నిర్వహించేందుకు అధికారులను అప్రమత్తం చేసినట్లు పేర్కొన్నారు.
కొత్త పట్టాదార్ పాస్ పుస్తకాల(passbooks) పంపిణీ సందర్భంగా జనవరి 2 నుంచి 9 వరకు ప్రతీ రెవెన్యూ గ్రామంలో గ్రామసభలు నిర్వహించి, అర్హులైన పట్టాదారులకు ఎటువంటి పొరపాట్లు లేకుండా పాస్ పుస్తకాలు అందజేయాలని అధికారులకు ఆదేశాలు జారీ చేసినట్లు కలెక్టర్ తెలిపారు.
పంపిణీ ప్రక్రియలో వెబ్ల్యాండ్ రికార్డుల(webland records)తో ముద్రిత పాస్ పుస్తకాలను పూర్తిగా క్రాస్ చెక్ చేయాలని, సంబంధిత పట్టాదారుల బయోమెట్రిక్ ధృవీకరణ ద్వారా మాత్రమే పాస్ పుస్తకాలు అందజేయాలని స్పష్టం చేశారు. ఇందుకోసం అవసరమైన బయోమెట్రిక్ పరికరాలు ముందుగానే అందుబాటులో ఉంచాలని సూచించారు.
వీఆర్వోల ద్వారా ఆన్లైన్ e-KYC అప్లికేషన్(e-KYC application) ఉపయోగించి పంపిణీ ప్రక్రియ చేపట్టాలని, లబ్ధిదారుల నుంచి సరైన రసీదును రిజిస్టర్లో తప్పనిసరిగా నమోదు చేయాలని తెలిపారు. అలాగే, పాత పట్టాదార్ పాస్ పుస్తకాలను తిరిగి సేకరించాల్సిందిగా కలెక్టర్ ఆదేశించారు. కొత్త పట్టాదార్ పాస్ పుస్తకాల పంపిణీపై గ్రామస్థాయిలో విస్తృత ప్రచారం కల్పించి, ప్రజా ప్రతినిధులు, లబ్ధిదారులు సహా అన్ని వాటాదారులకు షెడ్యూల్ను ముందుగానే తెలియజేయాలని కలెక్టర్ సూచించారు.
పంపిణీ కార్యక్రమం సజావుగా, సమయపాలనతో జరిగేలా చర్యలు తీసుకోవాలని తెలిపారు. జిల్లా వారీ పంపిణీ షెడ్యూల్ను ఈ నెల 30 నాటికి భూపరిపాలన ప్రధాన కమిషనర్ కార్యాలయానికి పంపించాలని అధికారులను ఆదేశిస్తూ, ఈ కార్యక్రమాన్ని అత్యంత ప్రాధాన్యతతో, బాధ్యతాయుతంగా అమలు చేయాలని కలెక్టర్ పేర్కొన్నారు.
