TP|పేదల ఆరోగ్యానికి కూటమి ప్రభుత్వం భరోసా..
- తిరువూరు ఎమ్మెల్యే కొలికపూడి శ్రీనివాసరావు
TP| తిరువూరు, ఆంధ్రప్రభ : నిరుపేదల ఆరోగ్యానికి కూటమి ప్రభుత్వం అండగా ఉంటుందని తిరువూరు ఎమ్మెల్యే కొలికపొడి శ్రీనివాసరావు అన్నారు. ఈ సందర్భంగా పట్టణంలోని ఎమ్మెల్యే కార్యాలయంలో శుక్రవారం సీఎంఆర్ఎఫ్ చెక్కుల పంపిణీ కార్యక్రమం నిర్వహించారు. పేద ప్రజల ఆరోగ్య విషయమై ఎక్కడ కూడా రాజీ లేకుండా కూటమి ప్రభుత్వం అధికారంలోకి వచ్చిన దగ్గర నుంచి ముఖ్యమంత్రి సహాయ నిధి ద్వారా పేద ప్రజలకు ఆర్థిక సాయం అందిస్తున్నామని తెలిపారు.
ఇప్పటివరకు తిరువూరు నియోజకవర్గంలో 20 విడతలుగా సీఎంఆర్ఎఫ్ చెక్కులను పంపిణీ చేశారని తెలిపారు. శుక్రవారం 20వ విడతగా 50 మందికి గాను రూ. 24,64,939 ల విలువ చేసే ముఖ్యమంత్రి సహాయ నిధి చెక్కులను లబ్ధిదారులకు అందించారు. ఇప్పటివరకు నియోజకవర్గంలో మొత్తంగా 801 మందికి గాను రూ. 5,03,45,182 లు (5 కోట్లు) సీఎంఆర్ఎఫ్ ద్వారా అందించారన్నారు. ఇంత పెద్ద మొత్తంలో తిరువూరు నియోజకవర్గానికి సహాయం అందించిన రాష్ట సీఎం నారా చంద్రబాబు నాయుడుకి కూటమి ప్రభుత్వానికి ప్రత్యేక ధన్యవాదాలు తెలిపారు.
