శ్రీలంక తీరంలో ఇరాన్ యుద్ధనౌకపై దాడి
శ్రీలంక తీరంలో ఇరాన్ యుద్ధనౌకపై దాడి
- ఈ దాడిలో 100 మంది మరణం?
ఆంధ్రప్రభ, వెబ్ డెస్క్ : శ్రీలంక తీరంలో ఇరాన్ నావికాదళానికి చెందిన IRIS Dena అనే యుద్ధ నౌకపై ఒక దాడి జరిగింది. ఈ నౌకలో సుమారు 180 మంది సిబ్బంది ఉన్నారు. ఒక జలాంతర్గామి నుంచి వచ్చిన దాడి వల్ల నౌక గంభీరంగా దెబ్బతిని, మునిగిపోయింది. రాయిటర్స్ వంటి వార్తా సంస్థల ప్రకారం, 101 మంది సైనికులు ఇంకా మిస్సింగ్, 78 మంది గాయపడ్డారు.
వీరిలో 32 మంది తీవ్ర గాయాలతో ఉన్నారు. శ్రీలంక నావికాదళం, వాయుసేన వెంటనే రక్షణ కార్యకలాపాలు ప్రారంభించి, ఇప్పటివరకు 30-32 మందిని రక్షించి ఆసుపత్రికి తరలించారు. మిగిలిన వారిని వెతుకుతున్నారు. ఈ నౌక ఇటీవలే భారతదేశంలో(విశాఖపట్నం) జరిగిన అంతర్జాతీయ నావికా వ్యాయామం Exercise Milan లో పాల్గొని తిరిగి వస్తుండగా ఈ ఘటన జరిగింది.
ఇప్పుడు అమెరికా-ఇజ్రాయెల్లతో ఇరాన్ మధ్య యుద్ధం Operation Epic Fury నడుస్తున్న నేపథ్యంలో ఈ దాడి జరిగిందని వార్తలు వినిపిస్తున్నాయి. అయితే ఎవరు చేశారో ఇంకా అధికారికంగా ధృవీకరించలేదు.
