పవర్ స్టార్ పవన్ కళ్యాణ్ రీ ఎంట్రీ మూవీ ‘వకీల్ సాబ్’ మూవీలో సూపర్ డూపర్ హిట్ సాంగ్ ‘మగువా.. మగువా’ అంటూ సాగే వీడియో సాంగ్‌ను చిత్ర బృందం ఈరోజు విడుదల చేసింది. రామజోగయ్య శాస్త్రి రాసిన ఈ పాటను సిధ్ శ్రీరామ్ ఆలపించాడు. మహిళల ఔన్నత్యాన్ని వివరిస్తూ సాగే ఈ పాటను ఆడియోను తొలుత గత ఏడాది అంతర్జాతీయ మహిళా దినోత్సవం నాడు విడుదల చేయగా అద్భుతమైన రెస్సాన్స్ వచ్చింది. తాజాగా వీడియో సాంగ్ విడుదల చేశారు. ప్ర‌స్తుతం ఈ వీడియో సోష‌ల్ మీడియాలో ఈ వీడియో సాంగ్ వైరల్‌గా మారింది.
దిల్‌రాజు బ్యానర్ శ్రీవెంకటేశ్వర క్రియేషన్స్ బ్యానరుపై నిర్మితమైన ఈ మూవీకి వేణుశ్రీరామ్ దర్శకత్వం వహించాడు. ఈ సినిమా ఏప్రిల్ 9న ప్రపంచ వ్యాప్తంగా విడుదలై మంచి టాక్ తెచ్చుకుంది. కానీ కరోనా మహమ్మారి వల్ల కలెక్షన్లు ఆశించిన స్థాయిలో రాలేదు. ఇటీవలే అమెజాన్ ప్రైమ్‌ ఓటీటీలో అందుబాటులోకి వచ్చింది. దీంతో పవన్ అభిమానులు ఓటీటీలో ఈ సినిమాను తెగ చూసేస్తున్నారు.
