సీఎల్పీ నేత భట్టి విక్రమార్క‌ని కలిసిన టీపీసీసీ చీఫ్ రేవంత్ రెడ్డి

టీపీసీసీ చీఫ్ రేవంత్‌రెడ్డి వరుస భేటీలతో బిజీ బిజీ అయ్యారు. వరుసగా కాంగ్రెస్ అగ్రనాయకులను కలుస్తున్నారు. ఈరోజు మధ్యాహ్నం 3 గంటలకు మాజీ మంత్రి శ్రీధర్ బాబును దోమలగూడాలోని ఆయన నివాసానికి వెళ్లి కలుస్తారు. 3.30 గంటలకు సీఎల్పీ నేత  భట్టి విక్రమార్క‌తో సమావేశం,  4 గంటలకు జూబ్లీహిల్స్‌లోని ఎమ్మెల్యే జగ్గారెడ్డి ఇంటి దగ్గర రేవంత్‌రెడ్డి, ఎమ్మెల్యే జగ్గారెడ్డి, మాజీ వర్కింగ్ ప్రెసిడెంట్ కుసుమకూర్ ప్రెస్ మీట్,  అలాగే సాయంత్రం 4.30 గంటలకు జూబ్లీహిల్స్‌లోని మల్లు రవి ఇంటి వద్ద  ప్రెస్‌మీట్ ఉంటుంది. కాగా సాయంత్రం 6 గంటలకు మాజీ టీపీసీసీ అధ్యక్షుడు, ఎంపీ ఉత్తమ్ కుమార్‌రెడ్డి నివాసానికి రేవంత్‌రెడ్డి వెళ్తారు. ఉత్తమ్‌తో పార్టీకి సంబంధించిన కీలక అంశాలపై మాట్లాడతారని సమాచారం. అలాగే రేపటి టీపీసీసీ బాధ్యతల స్వీకరణకు సంబంధించిన ఏర్పాట్లపై ఉత్తమ్‌తో రేవంత్ మాట్లాడే అవకాశాలు ఉన్నాయి.