మంత్రాలయ రాఘవేంద్రస్వామికి టీటీడీ శేషవస్త్రం సమర్పణ

తిరుమల, ప్రభన్యూస్‌ ప్రతినిధి: కర్నూలు జిల్లా మం త్రాలయ గురురాఘవేంద్రస్వామి వారి 351వ ఆరాధన మహోత్సవాలను పురస్కరించుకుని టీటీడీ తరఫున అదనపు ఈవో ఏవీ.ధర్మారెడ్డి దంపతులు బుధవారం ఉదయం శేష వస్త్రం సమర్పించారు. హైందవ సనాతన ధర్మవ్యాప్తికి కృషి చేసిన సద్గువుల భగవత్‌భాగవత సేవల దృష్ట్యా 2006వ సం వత్సరం నుంచి రాఘవేంద్రస్వామి వారికి శ్రీవారి శేషవస్త్రా న్ని టీటీడీ సమర్పిస్తోంది. సాక్షాత్తు వేంకటేశ్వరస్వామి కృపతో రాఘవేంద్రస్వామి జన్మించారు. రాఘవేంద్రస్వామి పూర్వా శ్రమ నామధేయం కూడా వెంకన్నభట్ట వెంకటాచార్యగా ప్రశస్తి. ముందుగా మంత్రాలయంలోనే రాఘవేంద్రస్వామి మఠాధిపతి శ్రీసుబుదేంద్రతీర్థ స్వామి వారికి అదనపు ఈవో ఏవీ.ధర్మారెడ్డి శేషవస్త్రాన్ని అందించారు. ఈ సందర్భంగా సుబుదేంద్రతీర్థ స్వామివారు అదనపు ఈవో దంపతులను ఆశీర్వదించారు.