శ్రీ సత్యసాయి బ్యూరో, నవంబర్ 23 (ఆంధ్రప్రభ): పుట్టపర్తిలోని ప్రశాంతి నిలయంలో కుష్వంత్ హాలు నందు శ్రీ సత్యసాయి బాబా 99వ జన్మదిన వేడుకల్లో రాష్ట్ర గవర్నర్ అబ్దుల్ నజీర్ ముఖ్యఅతిథిగా పాల్గొన్నారు. ఈ కార్యక్రమంలో రాష్ట్ర వైద్య ఆరోగ్య శాఖ మంత్రి సత్య కుమార్ యాదవ్, బీసీ సంక్షేమ శాఖ మంత్రి సవితమ్మ, సెంట్రల్ బోర్డ్ ట్రస్టీ ఆర్జే రత్నాకర్, ఎమ్మెల్యేలు మడకశిర ఎమ్మెస్ రాజు, పుట్టపర్తి స్థానిక ఎమ్మెల్యే సింధూర రెడ్డి, మాజీ మంత్రి పల్లె రఘునాథరెడ్డి, తదితరులు పాల్గొన్నారు.
ఘనస్వాగతం పలికిన అధికారులు..
శ్రీ సత్యసాయి బాబా 99వ జన్మదిన వేడుకల్లో భాగంగా విచ్చేసిన రాష్ట్ర గవర్నర్ అబ్దుల్ నజీర్ కు పుట్టపర్తి ప్రశాంతి నిలయంలోని సాయి శ్రీనివాస్ గెస్ట్ హౌస్ లో ఘన స్వాగతం లభించింది. పుట్టపర్తి ఆర్డీఓ సువర్ణ, సత్య సాయి ట్రస్ట్ సభ్యులు ఆర్.జె.రత్నాకర్, పుట్టపర్తి డిఎస్ పి విజయకుమార్, తహసీల్దార్ లు అనుపమ, నీలకంఠ రెడ్డి, రంగనాయకులు, పుట్టపర్తి మున్సిపల్ కమిషనర్ ప్రహల్లాద, తదితరులు గవర్నర్ ను, కలిసి పుష్పగుచ్చాలను అందించి స్వాగతం పలికారు.
