సోషల్ మీడియా అందుబాటులోకి వచ్చిన తరువాత సైబర్ మోసాలు విపరీతంగా పెరిగిపోతున్నాయి. నిత్యం ఎక్కడో ఒక చోట ఏదో ఒక ఫిర్యాదు నమోదు అవుతూనే ఉంది. తాజాగా ఫేస్ బుక్ లో పరిచయం…వాట్సాప్ వీడియో కాల్స్ వరకు వచ్చింది. ఆ తరువాత న్యూడ్ వీడియో కాల్స్ వరకు వెళ్లారు. ఆ వీడియోలను స్క్రీన్ రికార్డు ద్వారా సేవ్ చేసి 10 లక్షల వరకు కాజేశారు సైబర్ మోసగాళ్ళు. వివరాల్లోకి వెళితే తార్నాక కు చెందిన ఈవెంట్ మేనేజర్ కు కొన్నేళ్ళ క్రితం ఓ యువతి పేరుతో ఫేస్ బుక్ ఖాతా నుంచి ఫ్రెండ్ రిక్వెస్ట్ వచ్చింది. ఇద్దరూ ఫ్రెండ్ గా మారిపోయారు. కొన్నాళ్ళు చాటింగ్ కూడా చేసుకున్నారు. ఆ తర్వాత మెల్లగా చాటింగ్ మొదలుపెట్టారు. ఒకరి నెంబర్లు ఒకరు ఇచ్చిపుచ్చుకున్నారు. ఆ తరువాత నగ్న, అర్థనగ్న వీడియోలను సైబర్ నేరగాళ్ల ప్రత్యేక యాప్ ద్వారా ఫోన్ లో ఉంచి మేనేజర్ కు ప్లే చేసి చూపారు. దీంతో మేనేజర్ కూడా ఆ యువతి నగ్నంగా మాట్లాడుతుందని నమ్మేశాడు.
ఒకటి రెండుసార్లు అలానే చూసిన తర్వాత ఆ దృశ్యాలను స్క్రీన్ రికార్డ్ యాప్ ద్వారా రికార్డ్ చేశారు. ఆ తర్వాత ఆ వీడియోలను యూ ట్యూబ్ ఛానెల్ లో ఉంచిన లింకుల్ని బాధితుడికి పంపించారు. బట్టలు లేకుండా ఉన్న బాధితులు ఆ వీడియోని చూసి షాక్ కి గురి అయ్యాడు. 10 లక్షల రూపాయలు చెల్లించాలని లేకపోతే సోషల్ మీడియాలో పోస్ట్ చేస్తామని బాధితుడికి బెదిరించారు. వాళ్ళు అడిగిన మొత్తం సొమ్ము బదిలీ చేశారు. ఆ తర్వాత మరికొంత అమౌంట్ కావాలని వేధింపులు మొదలుపెట్టారు. దీంతో బాధితుడు శుక్రవారం సైబర్ క్రైమ్ పోలీసులకు ఫిర్యాదు చేశాడు. దీనితో మొత్తం వ్యవహారం బయటకు వచ్చింది.