తెలంగాణ రాష్ట్రం 2024 సంవత్సరానికి గాను ఉత్తమ అంతర్గత మత్స్యకారుల జాతీయ అవార్డు ద‌క్కింది. మత్స్య పరిశ్రమల అభివృద్ధి, చేపట్టిన వినూత్న కార్యక్రమాలకు గుర్తింపుగా ప్రపంచ మత్స్య దినోత్సవం సందర్భంగా తెలంగాణ రాష్ట్రానికి ఈ అవార్డును అందజేశారు.
కేంద్ర పశుసంవర్ధక, మత్స్య, పాడిపరిశ్రమ శాఖ మంత్రి రాజీవ్ రంజన్ సింగ్ చేతుల మీదుగా తెలంగాణ అధికారులు జాతీయ అవార్డును అందుకున్నారు.
కాగా, సచివాలయంలో మత్స్యశాఖ ప్రత్యేక ప్రధాన కార్యదర్శి సబ్యసాచి ఘోష్, డైరెక్టర్ ప్రియాంక ఆల సీఎంకు అవార్డును అందజేశారు. తెలంగాణ మత్స్య శాఖ దేశంలోనే అగ్రగామిగా నిలవడంపై ఈ సందర్భంగా సీఎం వారిని అభినందించారు.