మూడు రాజ్య‌స‌భ స్థానాల‌కు ఉప ఎన్నిక‌లు
రాజీనామా చేసిన వైసిపి నేత‌లు మోపిదేవి, బీదం, ఆర్ కృష్ణ‌య్య
ఎన్నిక‌ల షెడ్యూల్ విడుదల చేసిన ఎన్నిక‌ల సంఘం
అమ‌రావ‌తి – ఎపిలో ఖాళీ అయిన మూడు రాజ్య‌స‌భ స్థానాల ఉప ఎన్నిక‌ల‌కు నేడు ఎన్నిక‌ల సంఘం షెడ్యూల్ విడుదల చేసింది.. గ‌తంలో వైసిపి త‌రుపున ఎన్నికైన మోపిదేవి వెంక‌ట రమ‌ణ, బీదం మస్తాన్ రావు, ఆర్ కృష్ణ‌య్య‌లు ఇటీవ‌ల త‌మ స‌భ్య‌త్వాల‌కు రాజీనామా చేశారు.. అలాగే వైసిపి కి సైతం వారు గుడ్ బై చెప్పారు.. వారు రాజీనామా చేసిన స్థానాల‌కే ఉప ఎన్నిక‌లు నిర్వ‌హించ‌నుంది . ఎన్నిక‌ల సంఘం. ఉపఎన్నికలకు డిసెంబర్ 3న నోటిఫికేషన్ విడుదల చేయనున్నట్లు ఈసీ పేర్కొంది. నామినేషన్ల స్వీకరణకు డిసెంబర్ 10ని తుది గడువుగా నిర్ణయించింది. డిసెంబర్ 11న నామినేషన్ల పరిశీలన, డిసెంబర్ 13 వరకు ఉపసంహరణకు తుడి గడువు విధించింది. డిసెంబర్ 20 ఉదయం 9 నుంచి 4 గంటల వరకు పోలింగ్. అదే రోజు లెక్కింపు చేపట్టనున్నారు. కాగా ఈ మూడు స్థానాల‌తో పాటు ఒడిశా, పశ్చిమ బెంగాల్, హరియాణాలో ఖాళీ అయిన ఒక్కొ స్థానానికి కూడా ఇదే షెడ్యూల్ తో ఉపఎన్నిక నిర్వ‌హించ‌నున్న‌ట్లు ఎన్నిక‌ల సంఘం ఒక ప్ర‌క‌ట‌న‌లో తెలిపింది.
