పాపులర్ రియాల్టీ షో ‘బిగ్ బాస్’ తెలుగు… ఎంతో ఆసక్తిగా ఎదురుచూస్తున్న ఈ తెలుగు టీవీ రియాల్టీ షో మరో నాలుగు రోజుల్లో ప్రారంభం కానుంది. దాదాపు 100 రోజుల పాటు ప్రేక్షకులను టీవీకి అతుక్కుపోయేలా చేసే ఈ రియాల్టీ షో స్ట్రీమింగ్ డేట్ ఫిక్స్ అయింది.
ఇప్పటికే ఏడు సీజన్లు పూర్తి చేసుకున్న బిగ్ బాస్… అక్కినేని నాగార్జున హోస్ట్‌గా 8వ సీజన్ ప్రారంభం కానుంది. దీనికి సంబంధించి, స్టార్ మా తాజా సీజన్-8 స్ట్రీమింగ్ తేదీలను ప్రకటించింది. బిగ్ బాస్ 8 సెప్టెంబర్ 1 ఆదివారం రాత్రి 7 గంటల నుండి ప్రసారం కానుందని స్టార్ మా అధికారికంగా తెలిపింది.
సోమవారం నుంచి శుక్రవారం వరకు ప్రతిరోజూ రాత్రి 9:30 గంటలకు బిగ్ బాస్ ప్రసారం కానుంది. అయితే శని, ఆదివారాలు రాత్రి 9 గంటలకు ప్రసారం అవుతుంది. గత సీజన్ మాదిరిగానే, ఈసారి కూడా హాట్‌స్టార్‌లో 24/7 ప్రసారం అవుతుంది.
బిగ్ బాస్ తెలుగు 8 మొదటి కంటెస్టెంట్ జాబితాలో సోషల్ మీడియా ఇన్‌ఫ్లుయెన్సర్‌లతో పాటు ఎంట‌ర్టైన్మెంట్ ప్లాట్‌ఫారమ్‌ల నుండి 14 మంది ప్రముఖులు ఉన్నారు. విష్ణుప్రియ భీమినేని, శేఖర్ బాషా, బెజవాడ బేబక్క, నైనికా, విస్మయ శ్రీ, ఆదిత్య ఓం, మోడల్ రవితేజ, దర్శకుడు పరమేశ్వర్, ఖయ్యూమ్ అలీ, సౌమ్యరావు, గాయకుడు సాకేత్, అంజలి పవన్, అభినవ్ నవీన్, అభిరామ్ వర్మ.