కుత్బుల్లాపూర్, (ప్రభన్యూస్): హైదరాబాద్లోని బాచుపల్లి వీఎన్ఆర్ కాలీజీ వద్ద ఇవ్వాల (ఆదివారం) ఉదయం యాక్సిడెంట్ జరిగింది. వాటర్ ట్యాంకర్ ఢీకొన్న ఘటనలో ఓ యువతి చనిపోయింది. ఈ రూట్లో ట్రాఫిక్ ఎక్కువగా ఉండడం, ఇరుకైన రోడ్డుతో తరచుగా యాక్సిడెంట్లు జరుగుతున్నాయి. రోడ్డుపై గుంతల కారణంగా ఈ మధ్యనే ఓ చిన్నారిపై నుంచి స్కూలు బస్సు వెళ్లడంతో చనిపోయింది.
ఈ ఘటన మరువకముందే అదే ఏరియాలో మరో యాక్సిడెంట్ జరగడంతో వాహనదారులు భయపడుతున్నారు. కాగా, యువతి మృతిపై పోలీసులు కేసు నమోదు చేసి దర్యాప్తు చేస్తున్నారు. రోడ్డు వెడల్పు చేసి ప్రమాదాలు జరగకుండా చర్యలు తీసుకోవాలని వాహనదారులో కోరుతున్నారు.