కాస్త నెమ్మదించిన వరుణుడి మళ్లీ ప్రతాపం చూపుతున్నాడు. ఇవ్వాల (సోమవారం) సాయంత్రం హైదరాబాద్లోని పలు ప్రాంతాల్లో మోస్తరు జల్లులు కురుస్తున్నాయి. కొన్ని ప్రాంతాల్లో తేలికపాటి, చిరుజల్లులు కురుస్తుండగా.. మరికొన్ని చోట్ల భారీగా వాన పడుతున్నట్టు సమాచారం అందుతోంది.
హైదరాబాద్లోని కూకట్‌పల్లి, హైదర్నగర్, మూసాపేట, అల్విన్ కాలనీ, కేపీహెచ్‌బీ కాలనీ, కుషాయిగూడ, కాప్రా, ఏఎస్రావు నగర్, నిజాంపేట, బాచుపల్లి, ప్రగతినగర్లో వర్షం పడుతోంది. వాన రావడంతో వాహనదారులు ఎక్కడికక్కడే ఆగిపోయారు. దీంతో పలు చోట్ల ట్రాఫిక్ జామ్ అయ్యింది. వర్షానికి సంబంధించి జీహెచ్ఎంసీ అధికారులు స్మార్ట్ఫోన్లకు మెస్సేజ్ ద్వారా అలర్ట్ చేశారు.
కాగా, తెలంగాణలో పలు జిల్లాలకు వాతావరణ శాఖ ఎల్లో అలర్ట్ జారీ చేసింది. ఉరుములు, మెరుపులతో కూడి వర్షాలుంటాయని హెచ్చరికలు జారీ చేసింది. మెదక్, రంగారెడ్డి, మేడ్చల్ సంగారెడ్డి జిల్లాలకు రేపు ఉదయం వరకు ఎల్లో అలర్ట్ జారీ అయ్యింది. 40 నుంచి 50 కిలో మీటర్ల వేగంతో గాలులు వీస్తాయని, తేలికపాటి నుంచి భారీ వర్షాలుంటాయని వాతావరణ శాఖ తెలిపింది.