రఘునాథపల్లి, ప్రభన్యూస్ : జనగామ జిల్లా రఘునాథపల్లి మండలంలోని గోవర్ధనగిరి గ్రామంలో వరంగల్ – హైదరాబాద్ జాతీయ రహదారిపై జరిగిన రోడ్డు ప్రమాదంలో యువకుడు అక్కడికక్కడే మృతి చెందాడు. స్థానిక ఎస్ఐ వినయ్ కుమార్ తెలిపిన వివరాల ప్రకారం మహారాష్ట్రకు చెందిన ఖలీం (26) అనే యువకుడు చిరు వ్యాపారం చేస్తూ జీవనం కొనసాగిస్తున్నాడు. హైదరాబాద్ లో ఉండే కలీం వివిధ ప్రాంతాల్లో పాత పేపర్ ల కొనుగోలు వ్యాపారం చేస్తూ జీవనం కొనసాగించేవాడని అందులో భాగంగా శనివారం గోవర్ధనగిరి గ్రామం తన వాహనం హన్మకొండ వెళ్లేదారిలో నిలిపి భోజనం చేసేందుకు నడుచుకుంటూ రోడ్డు దాటుతుండగా హన్మకొండ నుండి హైదరాబాద్ వేగంగా వెళ్తున్న ఇన్నోవా వాహనం ఢీ కొట్టడంతో ఖలీం అక్కడికక్కడే మృతిచెందాడని తెలిపారు.
సంఘటన స్థలాన్ని ఏసీపీ రఘుచందర్, సీఐ వినయ్ కుమార్ లు సందర్శించి రోడ్డు ప్రమాదం గల కారణాలను తెలుసుకున్నారు. అనంతరం మృతదేహన్ని జనగామ ఏరియా ఆసుపత్రికి తరలించారు. ఇన్నోవా వాహనం నడుపుతున్న డ్రైవర్ వనం కిష్టయ్యను అదుపులోకి తీసుకొని కేసునమోదు చేసి దర్యాప్తు చేస్తున్నట్లు ఎస్ఐ తెలిపారు.
లోక‌ల్ టు గ్లోబ‌ల్.. ప్రభన్యూస్ కోసం ఫేస్‌బుక్‌, ట్విట‌ర్, టెలిగ్రామ్ పేజీల‌ను ఫాలో అవ్వండి..