వాజేడు ఎస్సై హరీష్ ఆత్మహత్య కేసులో మహిళను అరెస్టు చేసినట్లు వెంకటాపురం సర్కిల్ ఇన్స్పెక్టర్ తెలిపారు. సర్వీస్ రివాల్వర్‌తో కాల్చుకుని వాజేడు ఎస్ఐ రుదారపు హరీష్ మృతికి కారణమైన బానోతు అనసూయను అరెస్టు చేసినట్లు పోలీసులు తెలిపారు.
వెంకటాపురం సర్కిల్ ఇన్స్పెక్టర్ తెలిపిన వివరాల ప్రకారం… సూర్యాపేట జిల్లా చిలుకూరు మండలం దుదియతండాకు చెందిన అనసూయ ఏడు నెలల క్రితం రాంగ్‌ నంబర్‌తో ఫోన్‌ చేసి ఎస్ఐతో పరిచయం పెంచుకుంది. కొద్ది రోజుల తరువాత తనను పెళ్లి చేసుకోవాలని ఒత్తిడి చేయంటం ప్రారంభించింది.
తనను పెళ్లి చేసుకోకపోతే అధికారులకు ఫిర్యాదు చేస్తానని బెదిరిస్తూ, బ్లాక్‌మెయిల్‌కు పాల్పడిందని సీఐ వివరించారు. ఆమె కారణంగా తీవ్రమనస్తాపానికి గురైన ఎస్ఐ హరీశ్‌…. మండపాక శివారులోని ఓ రిసార్ట్‌లో తన సర్వీస్ రివాల్వర్‌తో కాల్చుకుని ఆత్మహత్య చేసుకున్నట్లు సీఐ తెలిపారు.
మహిళతో ఎస్ఐ హరీష్ కు జరిగిన సంభాషణలో…. నిందితురాలు ఎస్ఐ హరీష్ ను ఆత్మహత్యకు ప్రేరేపించడంతోనే ఎస్సై ఆత్మహత్యకు పాల్పడ్డాడని, అన్ని ఆధారాలతో నిందితురాలిని అరెస్ట్ చేశామని సీఐ వెల్లడించారు.