ఉపాధి హామీ కూలీలకు కనీస సౌకర్యాలు కల్పించాలి

మహబూబాబాద్ జిల్లా చిన్న గూడూరు మండల కేంద్రంలో ఉపాధి హామీ కూలీలకు గత ఆరు నెలలుగా పనిచేసిన కూలీ డబ్బులు ఇవ్వడంలేదు. ఎండలో పనిచేస్తున్న కూలీలకు మంచినీళ్లు, టెంటు, ఓఆర్ఎస్ ప్యాకెట్లు లాంటి కనీస సౌకర్యాలు  కల్పించడం లేదు. దీంతో తెలంగాణ వ్యవసాయ కార్మిక సంఘం ఆధ్వర్యంలో స్థానిక ఎంపీడీవో కార్యాలయం ముందు ధర్నా నిర్వహించారు. ఉపాధి హామీ కూలీలకు కనీస సౌకర్యాలు కల్పించాలని డిమాండ్ చేశారు.