బోటులో తిరుగుతూ.. ముంపు వాసుల‌ను సుర‌క్షిత ప్రాంతాల‌కు త‌ర‌లించిన‌ మంత్రి

కార్పొరేషన్ , (ప్రభ న్యూస్): వ‌రంగ‌ల్ జిల్లా కేంద్రంలోని ప‌లు ప్రాంతాలు నీట మునిగాయి. హంటర్ రోడ్ లోని సాయినగర్ కాలనీ, బృందావన్ కాలనీ, సంతోష్ మాత కాలనీ ప్రాంతాల్లో మంత్రి ఎర్ర‌బెల్లి ద‌యాక‌ర్ రావు బోటులో తిరుగుతూ ముంపు ప్రాంతాల వారిని సుర‌క్షిత ప్రాంతాల‌కు త‌ర‌లించారు . ముంపు లో చిక్కుకున్న పిల్లల్ని డి.ఆర్.ఎఫ్. బృందాలతో కలిసి బోట్ లో ప్రయాణించి సురక్షిత ప్రాంతాలకు చేర్చారు. మంత్రితో పాటు నగర మేయర్ గుండు సుధారాణి, ఎమ్మెల్యే నన్నపునేని నరేందర్, వరంగల్ కలెక్టర్ ప్రావీణ్య, కమిషనర్ షేక్ రిజ్వాన్ బాషా ఉన్నారు.