ఆటో బోల్తా.. ఆరుగురు విద్యార్థులకు గాయాలు

మల్హర్, ఏప్రిల్ 10 (ప్రభ న్యూస్) : జయశంకర్ భూపాలపల్లి జిల్లా మల్హర్ మండలం తాడిచెర్ల మల్లారం ప్రధాన రహదారిపై సోమవారం అదుపుతప్పి ఆటో బోల్తా పడింది. ఈ ప్రమాదంలో ఆరుగురు పదవ తరగతి విద్యార్థులు గాయపడ్డారు. తాడిచెర్ల పాఠశాలలో ప‌ది పరీక్ష రాసి తిరుగు ప్రయాణంలో ఈ దుర్ఘటన జరిగింది. ప్రమాద సమయంలో ఆటోలో 14 మంది విద్యార్థులు ఉండగా చిన్నతుండ్ల, మల్లారం గ్రామాలకు చెందిన ఆరుగురు విద్యార్థుల‌కు గాయాలయ్యాయి. క్షతగాత్రులను భూపాలపల్లి జిల్లా ఆసుపత్రికి తరలించారు. ఈ ఘటన సంబంధించి పూర్తి వివరాలు తెలియాల్సి ఉంది.