జాతీయ సమైక్యతను చాటేలా రక్షా బంధన్ వేడుకలు : ఎమ్మెల్యే రాజయ్య

స్టేషన్ ఘన్ పూర్ : జాతీయ సమైక్యతను చాటే విధంగా సోదరభావాన్ని పెంపొందించే విధంగా ప్రపంచంలో ఎక్కడా లేనివిధంగా భారతదేశంలోనే రక్షాబంధన్ కార్యక్రమం ఘనంగా నిర్వహించడం జరుగుతుందని స్టేషన్ ఘన్ పూర్ ఎమ్మెల్యే రాజయ్య తెలిపారు. శుక్రవారం డివిజన్ కేంద్రంలోని ఎమ్మెల్యే క్యాంపు కార్యాలయంలో రక్షా బంధన్ పురస్కరించుకొని మహిళలు సామూహికంగా సీఎం కేసీఆర్ ఫ్లెక్సీకి రాఖీ కట్టి రక్షా బంధన్ శుభాకాంక్షలు తెలిపారు. ఈ సందర్బంగా ఎమ్మెల్యే రాజయ్యకు మహిళా విభాగం ఆధ్వర్యంలో మహిలందరూ రాఖీ కట్టి శుభాకాంక్షలు తెలిపారు. ఈ సందర్భంగా ఎమ్మెల్యే రాజయ్య మాట్లాడుతూ.. టీఆర్ఎస్ పార్టీ స్టేట్ వర్కింగ్ ప్రెసిడెంట్ కేటీఆర్ పిలుపుమేరకు స్వతంత్ర భారత వజ్రోత్సవాల్లో భాగంగా జాతీయ సమైక్యత రక్షా బంధన్ కార్యక్రమంలో భాగంగా ముఖ్యమంత్రి కెసిఆర్ చిత్రపటానికి రాఖీ కట్టడం జరిగిందని తెలిపారు. ఈ కార్యక్రమంలో మహిళ ప్రజాప్రతినిధులు , మహిళ నాయకులు మరియు మహిళలు తదితరులు పాల్గొన్నారు.