ఈ నెల 17న కాళేశ్వరానికి మంత్రి కేటీఆర్ రాక..?

మహదేవపూర్ : జయశంకర్ భూపాలపల్లి జిల్లా మహాదేవపూర్ మండలంలో దక్షిణ క్షేత్రంగా పేరుగాంచిన శ్రీ కాళేశ్వర ముక్తీశ్వర ఆలయానికి ఈ నెల 17న ( సోమవారం) తెలంగాణ రాష్ట్ర వర్కింగ్ ప్రెసిడెంట్, ఐటీ శాఖ మంత్రి కల్వకుంట్ల తారక రామారావు పర్యటించనున్నట్లు విశ్వసనీయ వర్గాల ద్వారా సమాచారం. ఉదయం 10 గంటలకు శ్రీ కాళేశ్వర ముక్తీశ్వర స్వామి వారిని దర్శించుకుని ప్రత్యేక పూజలు నిర్వహించి, అనంతరం కన్నెపల్లిలోని లక్ష్మి పంపు హౌస్ ను సందర్శించనున్నారు. తెలంగాణ రాష్ట్రం ఏర్పాటు అనంతరం మంత్రి కేటీఆర్ మొట్టమొదటిసారిగా పర్యటనకు రానుండ‌డంతో పార్టీ శ్రేణులు, అధికార యంత్రాంగం భారీ ఏర్పాట్లు చేస్తున్నాయి.