హన్మకొండ నయీంనగర్‌లో ఓ రిఫ్రిజిరేటర్ రిపేరింగ్ షాపులో సోమవారం మధ్యాహ్నం అగ్ని ప్రమాదం జరిగింది. షార్ట్ సర్క్యూట్ కావడంతో ఒక్కసారిగా మంటలు ఎగిసిపడ్డాయి. ఆ ప్రదేశమంతా దట్టమైన పొగ కమ్ముకోవడంతో దుకాణాదారులు భయాందోళనకు గురయ్యారు.
వెంటనే షాప్ యజమాని గమనించి అగ్నిమాపక శాఖ అధికారులకు సమాచారం ఇవ్వగా, వారు వెంటనే ఘటనా స్థలానికి చేరుకొని మంటలను ఆర్పారు. అయితే షాపులో ఎవరూ లేకపోవడంతో పెను ప్రమాదం తప్పినట్లయింది.