సివిల్స్ ర్యాంకర్ శ్రీసాయి ఆశ్రిత్ ని.. సత్కరించిన సిపి ఏ.వి. రంగనాథ్

సివిల్స్ పరీక్షల్లో 40వ ర్యాంకు సాధించిన శాఖమూరి శ్రీ సాయి ఆశ్రిత్ ని వరంగల్ పోలీస్ కమిషనర్ ఏ.వి. రంగనాథ్ క్యాంప్ కార్యాలయములో అభినందించారు. సివిల్స్ పరీక్షలో ర్యాంక్ సాధించిన శ్రీ సాయి ఆశ్రిత్ వరంగల్ పోలీస్ కమిషనర్ మర్యాదపూర్వకంగా కలుసుకున్నారు. ఈ సందర్భంగా శ్రీసాయి ఆశ్రిత్ ని వరంగల్ పోలీస్ కమిషనర్ షాలువా కప్పి పుష్పాగుచ్చాలను అందజేసి అభినందనలు తెలియజేసారు. అనంతరం శ్రీసాయి ఆశ్రిత్ సివిల్స్ పరీక్షలకు చదివిన తీరుతెన్నుల పోలీసు కమిషనర్ అడిగి తెలుసుకోవడంతో పాటు భవిష్యత్తులో నిరుపేదలకు పక్షాన నిలిచి వారి అభ్యున్నతి కోసం విధి నిర్వహణలో ముందుకు సాగాలని, చిరుప్రాయంలోనే మొదటి ప్రయత్నంలో సివిల్స్ ఉద్యోగాన్ని సాధించడం అభినందనీయమని, అలాగే నేటి యువతకు స్ఫూర్తిగా నిలుస్తూ సివిల్స్ ర్యాంకులు సాధించిన జయసింహరెడ్డి, పత్తిపాక సాయికిరణ్, కొట్టే రుత్విక్ సాయి మంద అపూర్వ, కొయ్యడ ప్రవీణ్ కుమార్ల కు వరంగల్ పోలీస్ కమిషనర్ అభినందనలు తెలిపడంతో పాటు, తమ పిల్లలను సివిల్స్ పరీక్షల్లో ర్యాంకు సాధించడంలో కృషి చేసిన తల్లిదండ్రులకు పోలీస్ కమిషనర్ అభినందనలు తెలియజేసారు. ఈ కార్యక్రమములో కాజీపేట ఏసిపి శ్రీనివాస్, శ్రీసాయి ఆశ్రిక్ తండ్రి అమర్ పాల్గోన్నారు.