తెలంగాణలో మరో రెండు కొత్త మండలాలు

తెలంగాణలో మరో రెండు కొత్త మండలాలు ఏర్పాటయ్యాయి. మహబూబ్ ​నగర్ జిల్లాలో మహమ్మదాబాద్, వికారాబాద్ జిల్లాలో చౌడాపూర్ పేరిట కొత్తగా మండలాలను ప్రభుత్వం ఏర్పాటు చేసింది. గండీడ్ మండలంలోని పది గ్రామాలతో మహమ్మదాబాద్ మండలం ఏర్పాటైంది. మహమ్మదాబాద్, సంగాయిపల్లి, అన్నరెడ్డిపల్లి, ముకర్లబాద్, లింగాయిపల్లి, మంగంపేట, చౌదర్​పల్లి, గండిర్యాల, నంచెర్ల, జూలపల్లి గ్రామాలు ఈ మండలంలో ఉంటాయి. వికారాబాద్ జిల్లా కుల్కచర్ల మండలంలోని ఏడు, మహబూబ్​నగర్ జిల్లా నవాబ్​పేట మండలంలోని మరో ఏడు గ్రామాలతో చౌడాపూర్ పేరిట కొత్త మండలాన్ని ఏర్పాటు చేశారు. రెండు కొత్త మండలాలను ఏర్పాటు చేస్తూ రాష్ట్ర రెవెన్యూశాఖ తుది నోటిఫికేషన్‌ విడుదల చేసింది.