శంషాబాద్ (ప్రభ న్యూస్): గుట్టుచప్పుడు కాకుండా ఇతర దేశాల నుండి హైదరాబాద్కు కొకైన్ తరలిస్తుండగా ఇద్దరు వ్యక్తులను అరెస్టు చేశారు డీఆర్ఐ అధికారులు. విదేశాల నుండి కొకైన్ అక్రమంగా తరలిస్తున్నరని పక్కా సమాచారంతో ఆదివారం అర్ధరాత్రి శంషాబాద్ అంతర్జాతీయ విమానాశ్రయంలో మాటువేసి ఇద్దరు వేరు వేరు ప్రయాణికుల వద్ద 80 కోట్ల విలువ చేసే 8 కిలోల కొకైన్ స్వాధీనం చేసుకున్నట్టు డీఆర్ఐ అధికారులు తెలిపారు. కేప్ టౌన్ నుండి దుబాయ్ మీదుగా హైదరాబాదుకు బిజినెస్ వీసా మీద వస్తున్న ఓ ప్రయాణికురాలు వద్ద 4 కిలోల కొకైన్ స్వాధీనం చేసుకున్నారు.
అంగోలా మొజాంబిక్ – లుసాకా – దుబాయ్ నుండి టూరిస్ట్ వీసాపై హైదరాబాద్ వచ్చిన మరో మహిళా ప్రయాణికురాలు వద్ద మరో 4 కిలోల కొకైన్ స్వాధీనం చేసుకున్నారు. ఇద్దరు ప్రయాణికులు కొకైన్ ప్యాకెట్లను ట్రాలీ బ్యాగులను దాచి అక్రమంగా తరలిస్తుండగా స్వాధీనం చేసుకున్నట్టు డిఆర్ఐ అధికారులు తెలిపారు. ఇద్దరు ప్రయాణికుల వద్ద 80 కోట్ల విలువజేసే 8 కిలోల కొకైన్ స్వాధీనం చేసుకుని వారిని అదుపులోకి తీసుకుని కేసు నమోదు చేసినట్టు వివరించారు.
