సిర్పూర్ (యు) నవంబర్ 28 (ఆంధ్రప్రభ) : కొమరం భీమ్ ఆసిఫాబాద్ జిల్లా సిర్పూర్ (యు) మండలంలోని మహాగం సమీపంలో గురువారం మధ్యాహ్నం ఎదురెదురుగా వస్తున్న రెండు ద్విచక్ర వాహనాలు ఢీకొనడంతో ఒకరు అక్కడికక్కడే మృతి చెందారు. మరో ముగ్గురికి తీవ్ర గాయాలయ్యాయి.
పోలీసులు, స్థానికులు తెలిపిన వివరాల ప్రకారం… అతివేగంగా రెండు ద్విచక్ర వాహనాలు ఢీకొనడంతో లింగాపూర్ మండలం పిట్టగూడ గ్రామానికి చెందిన మరప లింగు (35) అక్కడికక్కడే మృతి చెందారు. మరో ముగ్గురికి తీవ్రగాయాలు కావడంతో వారికి చికిత్స నిమిత్తం 108 ద్వారా ఆదిలాబాద్ రిమ్స్ ఆస్పత్రికి తరలించారు.
విషయం తెలియగానే అసిఫాబాద్ డీఎస్పీ కరుణాకర్, జైనూర్ సిఐ రమేష్, సిర్పూర్ (యు)ఎస్సై రామకృష్ణ సంఘటన స్థలానికి చేరుకొని పూర్తి వివరాలు తెలుసుకున్నారు. సంఘటన స్థలానికి జైనూర్ నూతన మార్కెట్ కమిటీ చైర్మన్ కుడిమెత విశ్వనాథ్ రావు, మాజీ ఎంపీపీ కొడప విమల ప్రకాష్ సందర్శించి, గాయాల పాలైన వారిని వాహనంలో ఎక్కించి చికిత్స నిమిత్తం ఆదిలాబాద్ రిమ్స్ ఆసుపత్రికి తరలించారు.