అవకాశాల్లో సమానత్వం,
అణగారిన వర్గాల సామాజిక న్యాయం కోసం ఈ క్ర‌తువు
తెలంగాణ ప్రారంభ‌మై..దేశ వ్యాప్తంగా రాహుల్ సార‌ధ్యంలో సాగ‌నున్న ప్ర‌క్రియ
హైద‌రాబాద్ – కుల గణన దేశ సామాజిక ముఖచిత్రాన్ని మార్చే సాహసమని ముఖ్యమంత్రి రేవంత్ రెడ్డి అన్నారు. రాష్ట్రవ్యాప్తంగా ఈ కార్యక్రమం చేపట్టడం ఆనందం వ్యక్తం చేశారు. ఈ మేర‌కు ఆయ‌న ఎక్స్ వేదిక‌గా ట్విట్ చేశారు.. కుల గ‌ణ‌న‌పై ఆయ‌న హర్షం వ్యక్తం చేశారు. కాంగ్రెస్ ప్రభుత్వం ప్రతిష్టాత్మకంగా తీసుకున్న కులగణన కార్యక్రమం తెలంగాణ వ్యాప్తంగా ఇవాళ ప్రారంభమైందని తెలిపారు. అలాగే మంత్రి పొన్నం ప్రభాకర్ ఈ కార్యక్రమాన్ని ప్రారంభించిన‌ట్లు పేర్కొన్న రేవంత్ అంద‌రూ కుల గణన స‌ర్వేకు స‌హ‌క‌రించాల‌ని కోరారు.. ఈ సందర్భంగా రాహుల్ గాంధీ తెలంగాణ పర్యటనకు సంబంధించిన వీడియోను పోస్ట్ చేశారు. ఆకాశం -భూమి ఏకమై, అవకాశాల్లో సమానత్వం, అణగారిన వర్గాల సామాజిక న్యాయం కోసం చేస్తోన్న యజ్ఞం ఇదని తెలిపారు. అలాగే నేడు తెలంగాణ గడ్డ పై మొదలై.. రేపు రాహుల్ సారథ్యంలో దేశ సామాజిక ముఖచిత్రాన్ని మార్చే సాహసం ఇది అని వ్యాఖ్యానించారు.