సూర్యాపేట జిల్లా తుంగతుర్తి నియోజకవర్గం నుంచి పోటీ చేసే అభ్యర్ధి పేరు ను ప్రకటించారు మంత్రి కేటీఆర్ తిరుమలగిరిలో ప్రగతి నివేదన సభకు కేటీఆర్ హాజరయ్యారు. ఈ సందర్భంగా ఆయన పలు అభివృద్ధి పనులకు శంకుస్థాపన చేశారు. అనంతరం మంత్రి మాట్లాడుతూ, వచ్చే ఎన్నికల్లో ముచ్చటగా మూడోసారి గాదరి కిషోర్‌ను 40 వేల మెజార్టీతో గెలిపించాలని కేటీఆర్ కోరారు. దీంతో గాదరి మరోసారి పోటీ చేయనున్నట్లు నేరుగానే ప్రకటించారు..తుంగతుర్తిలో గెలిచేది బీఆర్‌ఎస్ పార్టీనే, నియోజకవర్గంలో ప్రతిపక్షాలు పత్తా లేకుండా పోయాయని చెప్పారు
ముఖ్యమంత్రి కేసీఆర్ ప్రజలను కన్న బిడ్డల్లా చూసుకుంటున్నారని, అందుకనే ప్రతిపక్షాలు అసూయ పడుతున్నాయని కేటీఆర్ అన్నారు… జిల్లాలో ఫ్లోరైడ్ తో ప్రజలు జీవచ్చవాల్లా మారిపోతే కాంగ్రెస్ నాయకులు చేతులు ముడుచుకొని కూర్చున్నారని, అలాంటి వాళ్ళను ఎలా నమ్మాలని మంత్రి ప్రశ్నించారు. కాంగ్రెస్ వాళ్లు పచ్చి మోసగాళ్ళుని, తెలంగాణ ప్రజలను 50 ఏళ్ళు అరి గోస పెట్టారని దుయ్యబట్టారు. ఎమ్మెల్యే గాదరి కిషోర్ కోరినట్లుగా తిరుమల గిరి, మోత్కూర్ మున్సిపాలిటీలకు రూ. 100 కోట్లు విడుదల చేస్తామని కేటీఆర్ హామీ ఇచ్చారు. .
ఈ కార్యక్రమంలో మంత్రులు జగదీష్ రెడ్డి, ఎంపీలు, ఎమ్మెల్యే గాదరి కిషోర్ కుమార్, జిల్లా జెడ్పీ చైర్మన్‌, ఎమ్మెల్సీలు పాల్గొన్నారు
https://twitter.com/BRSparty/status/1674443662837837825?t=5IfJXNQ4nWQHbYe4UDzYEA&s=19