హైదరాబాద్‌, ఆంధ్రప్రభ: బీఈడీ రెండేళ్ల కోర్సులో ప్రవేశాలు పొందేందుకు నిర్వహించే టీఎస్‌ ఎడ్సెట్ పరీక్ష మంగళవారం(26న) జరగనుంది. మొత్తం 38091 మంది అభ్యర్థులు ఈ పరీక్షకు దరఖాస్తు చేసుకున్నారు. ఉదయం 9 గంటల నుంచి 11 గంటల వరకు, మధ్యాహ్నం 12.30 గంటల నుంచి 2.30 గంటల వరకు, సాయంత్రం 4 గంటల నుంచి 6 గంటల వరకు మూడు సెషన్‌లలో పరీక్షను నిర్వహించనున్నారు.
ప్రతి సెషన్‌లో 12వేలకు పైగా అభ్యర్థులు పరీక్షకు హాజరుకానున్నారు. ఇందుకు 39 పరీక్షా కేంద్రాలను ఏర్పాటు చేశారు. ఏపీలో రెండు కేంద్రాలను ఏర్పాటు చేశారు. గంటన్నర ముందేఅభ్యర్థులు పరీక్ష కేంద్రానికి చేరుకోవాలని ఎడ్సెట్ కన్వీనర్‌ రామకృష్ణ సూచించారు. కోవిడ్‌ మార్గదర్శకాలను పాటిస్తూ ప్రవేశ పరీక్షను నిర్వహిస్తున్నట్లు తెలిపారు.
లోక‌ల్ టు గ్లోబ‌ల్.. ప్రభన్యూస్ కోసం ఫేస్‌బుక్‌, ట్విట‌ర్, టెలిగ్రామ్ పేజీల‌ను ఫాలో అవ్వండి.