టీఆర్ఎస్ నేతలతో కేసీఆర్ కీలక సమావేశం

టీఆర్ఎస్ అధినేత, సీఎం కేసీఆర్ పార్టీ నేతలతో కీలక సమావేశం నిర్వహించనున్నారు. కేసీఆర్ అధ్యక్షతన మంగళవారం మధ్యాహ్నం 2.గంటలకు టీఆర్ఎస్ పార్టీ రాష్ట్ర కమిటీ సమావేశం జరగనుంది. దళితబంధు అమలు విషయంలో పార్టీ శ్రేణులు అనుసరించాల్సిన పద్దతి, తీసుకోవాల్సిన చర్యల గురించి, పార్టీ చేయాల్సిన కృషిపై సమావేశంలో చర్చించనున్నట్లు తెలుస్తోంది. అంతేకాదు ఈ సమావేశంలో పార్టీ సంస్థాగత నిర్మాణంపై చర్చించనున్నారు. గ్రామ, మండల, జిల్లా, రాష్ట్ర శాఖల పునర్నిర్మాణం, అందుకోసం తేదీల ఖరారు తదితర అంశాలపై సమావేశంలో చర్చిస్తారని టీఆర్ఎస్ వర్గాలు తెలిపాయి.