రామోజీ ఫిల్మ్ సిటీలో ఉంచిన రామోజీరావు పార్థివదేహానికి నివాళులర్పించారు మంత్రి పొన్నం ప్ర‌భాక‌ర్ . దివంగ‌త రామోజీరావు బౌతిక‌కాయంపై పుష్ఫ గుచ్చం ఉంచి అంజ‌లి ఘ‌టించారు.. ఆలాగే స్పీకర్ గడ్డం శ్యాం ప్రసాద్, ఎమ్మెల్యే దానం నాగేందర్, మల్‌రెడ్డి రంగారెడ్డి, మ‌హేష్ కుమార్ గౌడ్ లు కూడా హ‌జ‌రై నివాళులర్పించారు..
కెటిఆర్ అశ్రు నివాళి
తెలుగు పత్రికా రంగం, ప్రసార మాధ్యమాల్లో విప్లవాత్మక మార్పులకు బీజం వేసిన మహనీయుడు రామోజీరావు అని బిఆర్ ఎస్ కార్యనిర్వాహక అధ్యక్షుడు కేటీఆర్ అన్నారు. ఫిల్మ్‌సిటీలో రామోజీరావు పార్థివదేహానికి ఆయన నివాళులర్పించారు. అనంతరం కేటీఆర్ మాట్లాడుతూ ఈ నష్టం సామాన్యమైనది కాదన్నారు. రామోజీరావు మృతి తెలుగు పత్రికా రంగంతో పాటు ప్రపంచంలోని తెలుగువారందరికీ తీరని లోటు అని అన్నారు. ఆయన కుటుంబానికి ప్రగాఢ సానుభూతి తెలిపారు.
ఇక మాజీమంత్రులు హరీష్ రావు, స‌బితా ఇంద్రారెడ్డి, తెలంగాణ శాసన మండలి ఛైర్మన్‌ గుత్తా సుఖేందర్‌రెడ్డి లు కూడా రామోజీరావు పార్థివదేహానికి నివాళులర్పించారు.
