బైకును టిప్పర్ ఢీకొన్న ఘటనలో ఇద్దరు వ్యక్తులు అక్కడికక్కడే మృతిచెందిన విషాద ఘటన సిద్దిపేట జిల్లా మర్కుక్ లో చోటుచేసుకుంది. మర్కుక్ మండలం పాములపర్తి గ్రామ శివారులోని కావేరి సీడ్ కంపెనీకి చెందిన టిప్పర్ బైకును ఢీకొట్టింది.
ఈ ప్రమాదంలో బైక్ పై వెళ్తున్న ఇద్దరు యువకులు స్పాట్ లోనే మృతిచెందారు. మృతులు మర్కుక్ మండలం యూసుఫ్ ఖాన్ పల్లి గ్రామంకు చెందిన వారుగా సమాచారం. ఈ ప్రమాద ఘటనకు సంబంధించిన పూర్తి వివరాలు తెలియాల్సి ఉంది.