కేశంపేట మండల పరిధిలోని బోదునంపల్లి గ్రామ శివారులో శనివారం సాయంత్రం జరిగిన రోడ్డు ప్రమాదంలో ఇద్దరు యువకులు మృతి చెందారు. గ్రామస్తులు, కుటుంబ సభ్యులు తెలిపిన వివరాల ప్రకారం… కొత్తూరు మండలం కొడిచర్ల తండాకు చెందిన నేనావత్ రవినాయక్ (21), రాకేష్ నాయక్(18) ఇద్దరూ అన్నదమ్ములు ఈ మధ్యనే ట్రాక్టర్ ను కొనుగోలు చేశారు.
గడ్డి చుట్టే మిషన్ కు దారం తీసుకురావడానికి ఇద్దరు కలసి ద్విచక్ర వాహనంపై కల్వకుర్తికి బయలుదేరి వెళుతుండగా బోదునంపల్లి గ్రామ శివారులోని లేమామిడి బ్రిడ్జి వద్ద తలకొండపల్లి నుండి బాలానగర్ కు పలుగు లోడుతో వస్తున్న టిప్పర్ ఢీకొట్టడంతో ఇద్దరు అక్కడికక్కడే మృతి చెందారు.
కోడిచెర్ల తండాకు చెందిన నేనావత్ పాల్ రాం, చంద్రి దంపతులకు ముగ్గురు కుమారులున్నారు. ఇద్దరు అన్నదమ్ములు ఒకేసారి రోడ్డు ప్రమాదంలో మృతి చెందడంతో కుటుంబలో విషాద ఛాయలు అలుముకున్నాయి. సంఘటన స్థలానికి సీఐ నరహరి, ఎస్సై రాజ్ కుమార్ చేరుకొని మృతిచెందిన బాడీలను షాద్ నగర్ ప్రభుత్వ ఆసుపత్రికి తరలించారు.
