తెలంగాణ రాష్ట్రంలో రాష్ట్రపతి ద్రౌపది ముర్ము పర్యటన ముగిసింది. శీతాకాల సెలవుల కోసం ఈనెల 18న రాష్ట్రానికి వచ్చిన రాష్ట్రపతి.. పలు కార్యక్రమాల్లో పాల్గొన్నారు. భూదాన్ పోచంపల్లిలో పర్యటించారు. గత రాత్రి బొల్లార్‌లోని రాష్ట్రపతి నిలయంలో ఎట్ హోమ్ కార్యక్రమం నిర్వ‌హించారు.
ఈ ఉదయం హకీంపేటలో రాష్ట్రపతికి గవర్నర్ తమిళిసై సౌందర్ రాజన్, సీఎం రేవంత్ రెడ్డి, మంత్రులు శ్రీధర్ బాబు, కోమటిరెడ్డి వెంకట్ రెడ్డి, పొంగులేటి శ్రీనివాస్ రెడ్డి, సీతక్క, అధికారులు వీడ్కోలు పలికారు. అనంతరం ఆమె ప్రత్యేక విమానంలో ఢిల్లీకి బయలుదేరారు.