భీంగల్, జూన్ 1 ( ప్రభన్యూస్) : భీంగల్ పోలీస్ స్టేషన్ పరిధిలోని పురాణిపేట్ గ్రామంలో విషాదం నెలకొంది. నిలిపి ఉన్న ట్రాక్టర్ కింద పడి బాలిక మృతిచెందిన సంఘటన జరిగింది. పోలీసులు, గ్రామస్తులు తెలిపిన వివరాల ప్రకారం…. గ్రామానికి చెందిన బ్రహ్మ రౌతు సంతోష్ పెద్ద కుమార్తె చిన్నారి కల్పిత (9) ఇంటి సమీపంలో ఎరువు నింపేందుకు నిలిపి ఉంచిన ట్రాక్టర్ పై ఎక్కి ఆడుకుంటుంది.
ఈ క్రమంలో ఒక్కసారి ట్రాక్టర్ ముందుకు కదిలింది. బయపడిపోయిన బాలిక ట్రాక్టర్ పై నుండి కిందికి దూకింది. కింద పడిన బాలిక పై నుండి ట్రాక్టర్ టైర్ వెళ్లడంతో బాలిక అక్కడికక్కడే మృతి చెందింది. బాలిక తల్లిదండ్రుల నుండి ఫిర్యాదు తీసుకున్న పోలీసులు కేసు నమోదు చేసి, మృతదేహాన్ని పోస్ట్ మార్టం కోసం ఆర్మూర్ ప్రభుత్వ ఆస్ప‌త్రికి తరలించారు. బాలిక మృతితో గ్రామంలో విషాదం నెలకొంది.
- Advertisement -