టీపీసీసీ విస్తృత స్థాయి సమావేశం గురువారం గాంధీభవన్‌లో జరగనుంది. టీపీసీసీ అధ్యక్షుడు మహేశ్‌కుమార్‌ గౌడ్‌ అధ్యక్షతన జరిగే ఈ సమావేశంలో ముఖ్యమంత్రి రేవంత్‌రెడ్డి, ఉపముఖ్యమంత్రి మల్లు భట్టి విక్రమార్క, మంత్రులు, ఎంపీలు, ఎమ్మెల్యేలు, ఎమ్మెల్సీలు ,వర్కింగ్‌ ప్రెసిడెంట్లు , ప్రధాన కార్యదర్శులు , కార్యదర్శులు, అధికార ప్రతినిధులు, డీసీసీ అధ్యక్షులు, సీనియర్‌ నేతలు పాల్గొంటారు.
రాష్ట్రంలో కాంగ్రెస్‌ ప్రభుత్వం ఏర్పడి ఏడాది కావస్తున్న నేపథ్యంలో ఈ సమావేశానికి ప్రాధాన్యత ఏర్పడింది. ఈ సందర్భంగా ప్రజాపాలన – విజయోత్సవాలు కార్యక్రమాను విజయవంతం చేయడంపై చర్చిస్తారు. ముఖ్యమంత్రి ఎ రేవంత్ రెడ్డి ప్రభుత్వం చేపడుతున్న అభివృద్ది , సంక్షేమ కార్యక్రమాలను ప్రజలకు చేరవేయడం, సంస్థాగతంగా పార్టీ పటిష్టత తదితర అంశాలను చర్చిస్తారని సమాచారం.