రేపటి నుంచే ద‌ర‌ఖాస్తుల స్వీక‌ర‌ణ
జనవరి ఒక‌టో తేది నుంచి పరీక్షలు
ఈ ఏడాదిలో రెండో నోటిపికేష‌న్
టీచ‌ర్ అభ్య‌ర్ధుల హ‌ర్షం
తెలంగాణ టెట్ నోటిఫికేషన్‌ విడుదలైంది. పాఠశాల విద్యాశాఖ కాసేపటి క్రితం ఈ నోటిఫికేషన్‌ను విడుదల చేసింది. నవంబర్ 5 వ తేదీ నుంచి 20వ తేదీ వరకు దరఖాస్తులు సమర్పించేందుకు అవకాశం కల్పించారు. వచ్చే ఏడాది జనవరి 1వ తేదీ నుంచి 20వ తేదీ వరకు ఆన్‌లైన్‌లో పరీక్ష నిర్వహించనున్నారు.
పూర్తి వివరాల కోసం రేపటి నుంచి https://schooledu.telangana.gov.in వెబ్‌సైట్‌లో సంప్రదించవచ్చు. కాగా, ఈ ఏడాది మే 20వ తేదీ నుంచి జూన్‌ 2వ వరకు ఆన్‌లైన్‌లో టెట్ పరీక్షలు నిర్వహించి ఇప్పటికే ఫలితాలు విడుదల చేసిన సంగతి తెలిసిందే. కాగా ఈ ఏడాది ఇది రెండో నోటిఫికేషన్‌ కావడం గమనార్హం. ఒక్క ఏడాదే రెండు నోటిపికేష‌న్ లు విడుదల కావడం ప‌ట్ల టీచ‌ర్ అభ్య‌ర్ధులు హ‌ర్షం వ్య‌క్తం చేస్తున్నారు.