హైదరాబాద్: రాష్ట్ర ప్రభుత్వం జనవరి 26న గణతంత్ర దినోత్సవం సందర్భంగా నాలుగు సంక్షేమ పథకాలను ప్రారంభించనుంది.. ముఖ్యమంత్రి ఎ. రేవంత్ రెడ్డి, మంత్రులు, ఎమ్మెల్యేలు, అధికారులు జిల్లాల్లో పర్యటించి రైతు భరోసా, ఇందిరా ఆత్మీయ భరోసా, ఇందిరమ్మ ఇళ్లు, రేషన్‌కార్డుల ప్రయోజనాలను లబ్ధిదారులకు స్వయంగా అందజేయ నున్నారు.
సింగపూర్‌, దావోస్‌ లలో తొమ్మిది రోజుల అంతర్జాతీయ పర్యటనలో ఉన్న సీఎం రేవంత్ రెడ్డి శుక్రవారం హైదరాబాద్‌కు తిరిగి వచ్చారు.దీంతో ప్రారంభానికి సంబంధించిన షెడ్యూల్ ఖరారు చేయడానికి మంత్రులతో రేవంత్ రెడ్డి ఉన్నత స్థాయి సమావేశాన్ని ఏర్పాటు చేయాలని భావిస్తున్నారు.
ఈ పథకాలను స్వయంగా ప్రారంభించేందుకు ఆయన హైదరాబాద్ సమీపం లోని గ్రామం లేదా తన స్వస్థలమైన మహబూబ్‌ నగర్ జిల్లాకు వెళ్లే అవకాశం ఉంది. ప్రజల మద్దతును పెంచే ప్రయత్నంలో, కాంగ్రెస్ ఎమ్మెల్యేలు, పార్టీ నాయకులు, క్యాడర్‌కు అన్ని జిల్లాల్లో ఉత్సాహ భరితమైన, వేడుకల వాతావరణం ఉండేలా చూడాలని ఆదేశించారు. ప్రభుత్వ కార్యక్రమాలకు మద్దతు తెలిపేందుకు పార్టీ కార్యకర్తలు ర్యాలీలు, ఇతర కార్యక్రమాలను నిర్వహిస్తున్నారు.
ఆయా జిల్లాల ఇన్‌ఛార్జ్‌ మంత్రులు స్థానికం గానే కార్యక్రమాలకు నాయకత్వం వహిస్తారు. రైతు భరోసా కింద, వ్యవసాయ భూములను కలిగి ఉన్న రైతులకు ఏటా ఎకరాకు రూ. 12,000 అంద జేస్తారు. ఖరీఫ్, రబీ సీజన్లలో రెండు విడతలుగా రూ. 6,000 పంపిణీ చేస్తారు. బీఆర్‌ఎస్‌ పాలనలో ఎకరానికి రూ. 10,000 అందించిన మునుపటి రైతు బంధు పథకం కంటే ఇది రూ. 2,000 పెరుగుదలను సూచిస్తుంది.
ఇందిరమ్మ ఆత్మీయ భరోసా కింద మొదటి సారిగా, భూమి లేని వ్యవసాయ కూలీలు రాష్ట్ర సంక్షేమ వలయంలో చేర్చ బడతారు. ప్రతి సంవత్సరం రూ. 12,000 అందుకుంటారు.
.ఇందిరమ్మ గృహ నిర్మాణ పథకం కింద లబ్ధిదారులు తమ సొంత ప్లాట్లలో గృహాలు నిర్మించు కునేందుకు రూ. 5 లక్షల ఆర్థిక సహాయం అందజేస్తారు. నిర్మాణ పురోగతికి అనుగుణంగా ఒక్కొక్కటి రూ. లక్ష చొప్పున ఐదు విడతలుగా నిధులు పంపిణీ చేయబడతాయి. గత విధానంలో మినహాయించ బడిన అర్హులైన కుటుంబాల అవసరాలను పరిష్కరిస్తూ ఏడేళ్ల విరామం తర్వాత కొత్త రేషన్ కార్డులు జారీ చేయ బడుతున్నాయి..