లక్ష్మీనరసింహ స్వామికి ప్రత్యేక పూజలు
ఉద్యమ నేత చరిత్రలో నిలిచిపోతారు
తెలంగాణ గర్వించేలా టెంపుల్ నిర్మాణం
కేసీఆర్ సేవలను కొనియాడిన సుమన్
ఆంధ్ర‌ప్ర‌భ స్మార్ట్‌, యాద‌గిరిగుట్ట :
యాదగిరి గుట్ట లక్ష్మీనరసింహ స్వామిని సినీ నటుడు సుమన్ గురువారం దర్శించుకున్నారు. ఈ సంద‌ర్భంగా స్వామి వారికి ప్రత్యేక పూజలు చేశారు. దర్శనానంతరం సుమన్కు అర్చక పండితులు వేదాశీర్వచనం పలికారు. అనంత‌రం ప్ర‌సాదం అంద‌జేశారు.
మాజీ సీఎం కేసీఆర్ అద్భ‌తంగా తీర్చిదిద్దారు : సుమన్
యాదగిరి గుట్ట ఆలయాన్ని మాజీ సీఎం కేసీఆర్ మహాద్భుతంగా తీర్చిదిద్దారని సినీ నటుడు సుమన్ అన్నారు. పునర్నిర్మాణానికి ముందు ఈ ఆలయం ఎలా ఉండేదో త‌న‌కు తెలుసని, కేసీఆర్ ఎన్నో వ్యయ ప్రయాసలతో ఆలయాన్ని చాలా అందంగా అద్భుత శిల్పకళతో నిర్మించార‌ని కొనియాడారు. ఎంతో మంది శిల్పులు పనిచేసి, అద్భుత శిల్పాలను, గోపురాలను చెక్కారని, గుడిలోపలికి వెళ్తే ఆధ్యాత్మిక ప్రపంచంలోకి వెళ్లినట్లు ఉందన్నారు.