ఆంధ‌ప్ర‌భ స్మార్ట్ .. హైద‌రాబాద్ -వీధి కుక్కల దాడిలో ఓ చిన్నారి దుర్మరణం చెందిన విషాద ఘటన హైదరాబాద్‌లో తాజాగా వెలుగు చూసింది. నగరంలోని జవహర్‌నగర్ లో రెండేళ్ల బాలుడు విహాన్‌పై వీధి కుక్కలు అత్యంత పాశవికంగా దాడి చేయగా అతడు చికిత్స పొందుతూ ప్రాణాలు విడిచాడు. విహాన్ ఆరు బయట ఆడుకుంటుండగా మంగళవారం రాత్రి వీధి కుక్కలు ఒక్కసారిగా చుట్టుముట్టి దాడి చేశాయి. ఈ ఘటనలో విహాన్‌కు శరీరమంతా గాయాలు అవ్వడంతో విలవిల్లాడిపోయాడు.
ఇది గమనించిన కుటుంబసభ్యులు చిన్నారిని హుటాహుటీన స్థానిక ఆసుపత్రికి తరలించారు. అక్కడ పరిస్థితి విషమించడంతో గాంధీ ఆసుపత్రికి తీసుకెళ్లగా చిన్నారి విహాన్ చికిత్స పొందుతూ మృతి చెందాడు.
- Advertisement -