మేడిపల్లి, జనవరి 28(ఆంధ్రప్రభ) : రోడ్డు ప్రమాదంలో ఓ విద్యార్థి మృతిచెందిన సంఘటన మేడిపల్లి పోలీస్ స్టేషన్ పరిధిలో చోటుచేసుకుంది. పోలీసులు, స్థానికులు తెలిపిన వివరాల ప్రకారం… ఘట్కేసర్ మండలం కాచివాని సింగారం గ్రామానికి చెందిన మోతీరాం కుమారుడు తేజ చౌదరి (14) దివ్య నగర్ లోని నల్లమల్లారెడ్డి పాఠశాలలో పదవ తరగతి చదువుతున్నాడు.
ఇవాళ ఉదయం తన స్కూటీపై పర్వతాపూర్ స్పాంజిల్లా కమ్యూనిటీలో ట్యూషన్ కోసం వెళ్లి తిరిగి ఇంటికి వెళుతుండగా స్కూటీ యూటర్న్ తీసుకుంటుండగా వెనకాల నుంచి అతివేగంగా వచ్చిన టిప్పర్ స్కూటీని ఢీకొనడంతో కింద పడి అక్కడిక‌క్కడే మృతిచెందాడు. కుటుంబ సభ్యుల ఫిర్యాదు మేరకు పోలీసులు మృతదేహాన్ని గాంధీ ఆస్ప‌త్రికి తరలించి దర్యాప్తు చేస్తున్నారు. పదవ తరగతి చదువుతున్న తేజకు స్కూటీ ఎవరు ఇచ్చారనేది తెలియాల్సి ఉంది.
- Advertisement -