ముత్యంపేటలో ఉద్రిక్తత-పోలీసుల లాఠీ ఛార్జ్

దోమకొండ, ప్రభన్యూస్ : ముత్యంపేట గ్రామంలో పోలీసులు లాఠీ ఛార్జ్ చేశారు. రెండు రోజుల క్రితం గ్రామంలో యువతి మేఘమాల గ్రామ శివారులోని కుంటలో చనిపోయిన విషయంలో గ్రామంలో ఉద్రిక్త‌త చోటుచేసుకుంది. యువతి మృతికి ఒక యువకుడు కారణమని, యువతి కాల్ డేటాలో ఆ యువ‌కుని ఫోన్ కాల్స్ ఉండడం, ఆరోపణలు రావడంతో పోలీసులు దర్యాప్తును కొందరు గ్రామస్తులు అడ్డుకున్నారు. అ యువకున్ని పోలీసులు అదుపులోనికి తీసుకునే ప్రయత్నంలో గ్రామంలో గొడవలు ఉద్రిక్తత చోటు చేసుకుంది. పోలీసులు లాఠీఛార్జ్ చేశారు. గ్రామంలో భారీ పోలీసు బందోబస్తు ఏర్పాటు చేశారు. పోలీసు అధికారులతో పాటు దోమకొండ ఎస్సై సుధాకర్ పీకేటింగ్ ఏర్పాటు చేశారు.