తొలి రోజు వైభ‌వంగా ఎంగిలిపూల బతుకమ్మ
న‌గ‌ర,ప‌ట్ట‌ణ ప‌ల్లెల‌లో ఆడ‌ప‌డుచుల జోష్
క‌నువిందుగా సాగుతున్న బతుకమ్మ సంబురాలు
హైదరాబాద్ – తెలంగాణ వ్యాప్తంగా బతుకమ్మ సంబరాలు ఘనంగా మొదలయ్యాయి. ఆశ్వయుజ మాసంలో భాద్రపద అమావాస్య రోజు నుంచి బతుకమ్మ సంబురాలు మొదలవుతాయి. తొలిరోజైన నిన్న ఎంగిలిపూల బతుకమ్మతో పండుగ వేడుకలు షురూ అయ్యాయి. తొలి రోజునే న‌గ‌ర, ప‌ట్ట‌ణ , గ్రామాల‌లోని అడ‌ప‌డుచులు ఉత్సాహంగా సంబ‌రాల‌లో పాల్గొన్నారు.. పూల బ‌తుక‌మ్మ‌ల చుట్టు ఆడి పాడి అల‌రించారు.
కాగా, తొమ్మిది రోజుల పాటు బతుకమ్మ వేడుకలను జరుపుకుంటారు తెలంగాణ ఆడపడుచులు. రెండో రోజైన నేడు అటుకుల బతుకమ్మను తయారు చేస్తారు. ఆశ్వయుజ శుద్ధ పాడ్యమి నాడు అటుకులు బతుకమ్మను జరుపుకుంటారు. ముఖ్యంగా ఈ బతుకమ్మను చిన్నపిల్లలు చేస్తుంటారు. అలాగే అటుకులను నైవేద్యంగా సమర్పిస్తారు. అటుకులు నైవేద్యంగా ఇవ్వడం వల్లే ఈ పండుగకు అటుకుల బతుకమ్మ అనే పేరువచ్చిందని చెబుతుంటారు మన పెద్దలు.