తెలంగాణలో పంచాయతీ కార్యదర్శులకు గుడ్ న్యూస్… భారీగా పెరిగిన జీతాలు

తెలంగాణలో జూనియర్ పంచాయతీ కార్యదర్శులకు ప్రభుత్వం తీపి కబురు అందించింది. జూనియర్ పంచాయతీ కార్యదర్శుల గౌరవ వేతనాన్ని రూ.15 వేల నుంచి రూ.28,719కి పెంచుతూ నిర్ణయం తీసుకుంది. ఈ మేరకు పంచాయతీ రాజ్ శాఖ ఉత్తర్వులు జారీ చేసింది. ఈ వేతన పెంపు జులై 1 నుంచి వర్తింపజేస్తారని ప్రభుత్వం వెల్లడించింది. అంతేకాదు, జూనియర్ పంచాయతీ కార్యదర్శుల అగ్రిమెంట్ గడువును మూడేళ్ల నుంచి నాలుగేళ్లకు పొడిగించింది.