వికారాబాద్, జూన్ 2 (ప్రభ న్యూస్): వికారాబాద్ జిల్లాలో తెలంగాణ ఆవిర్భావ దినోత్సవ వేడుక‌లు ఘనంగా నిర్వహించారు. తెలంగాణ ఆవిర్భావ దినోత్సవ సందర్భంగా వికారాబాద్ మున్సిపల్ కార్యాలయం ముందు మున్సిపల్ చైర్ పర్సన్ చిగుళ్లపల్లి మంజుల రమేష్ జాతీయ జెండాను ఎగరవేశారు. ఈ సందర్భంగా ఆయన మాట్లాడుతూ… తెలంగాణ రాష్ట్రం ఉద్యమకారుల ఆకాంక్ష కారణంగా నెరవేరిందని, తెలంగాణ ఏర్పాటై పది సంవత్సరాలు గ‌డిచిన నేపథ్యంలో దశాబ్ది ఉత్సవాలను నిర్వహించుకోవడం మంచి పరిణామమ‌ని మున్సిపల్ చైర్ పర్సన్ చిగుళ్లపల్లి మంజుల రమేష్ అన్నారు.
తెలంగాణ అన్ని రంగాల్లో అభివృద్ధి సాధించాలని ఆమె పేర్కొన్నారు. ఈ కార్యక్రమంలో వికారాబాద్ మునిసిపల్ మాజీ చైర్మన్ వి సత్యనారాయణ మాజీ మున్సిపల్ వైస్ చైర్మన్ లు చిగులపల్లి రమేష్ హెచ్ సురేష్ పట్టణ కాంగ్రెస్ అధ్యక్షుడు సుధాకర్ రెడ్డి, కౌన్సిలర్లు వేణుగోపాల్ రెడ్డి, మున్సిపల్ కమిషనర్ జాకీర్ అహ్మద్, నాయకులు బాదాం అశోక్, బుచ్చయ్య, శంకర్, డిపిఓ వేణు శర్మ లింగం మేనేజర్ విట్టల్ వెంకట్, తదితరులు పాల్గొన్నారు.
అమరవీరుల స్తూపం వద్ద….
వికారాబాద్ జిల్లా కేంద్రంలో అమరవీరుల స్తూపం వద్ద వికారాబాద్ పట్టణ ఉద్యమకారులు నివాళులర్పించారు. ఈ సందర్బంగా మాటాడుతూ… తెలంగాణ రాష్ట్ర ప్రభుత్వం ఉద్యమకారులను గుర్తించి ఆహ్వానించినందుకు ప్రభుత్వానికి ఉద్యమకారుల తరఫున కృతజ్ఞతలు తెలిపారు. ప్రభుత్వం నిర్వహిస్తున్న ఆవిర్భావ వేడుకల్లో భాగంగా వికారాబాద్ జిల్లా నుండి ఉద్యమకారులు వెళ్లారన్నారు. ఈ కార్యక్రమంలో వికారాబాద్ జిల్లా ఉద్యమకారులు పాల్గొన్నారు.
తెలంగాణ కోసం అమరుల త్యాగం చిరస్మరణీయం… కలెక్టర్ నారాయణ రెడ్డి
తెలంగాణ ఆవిర్భావ దినోత్సవం ఘనంగా నిర్వహించాలని వికారాబాద్ జిల్లా కలెక్టర్ నారాయణ రెడ్డి సూచించారు. వికారాబాద్ జిల్లా కేంద్రంలోని అమరవీరుల స్థూపం వద్ద జిల్లా ఎస్పీ నారాయణరెడ్డి, అడిషనల్ కలెక్టర్ బాగోల్ శర్మ, జిల్లా పరిషత్ చైర్పర్సన్ సునీత రెడ్డితో కలిసి ఆయన ఘనంగా నివాళులర్పించారు.
ధారూర్ మండలంలో తెలంగాణ ఆవిర్భావ వేడుక‌లు…
ధారూర్, మే 2 (ప్రభ న్యూస్) : వికారాబాద్ జిల్లా ధారూర్ మండలంలో తెలంగాణ ద‌శాబ్ధి ఆవిర్భావ వేడుక‌లు నిర్వహించారు. మండ‌ల కేంద్రంలోని ఆయా కార్యాలయాల్లో మూడు రంగుల జెండాను ఎగురవేశారు. తహశీల్దార్ కార్యాలయంలో తహశీల్దార్ సాజీదా బేగం, సిబ్బంది, వివిధ పార్టీల నాయకులు వేణుగోపాల్ రెడ్డి, పార్టీ అధ్యక్షుడు శ్రీకాంత్ రెడ్డి, దేవేందర్, మాజీ ఎయం సి చైర్మన్ రాములు, బుజ్జాయి గౌడ్, చిన్నయ్య గౌడ్, యం ఐ యం పార్టీ అధ్యక్షుడు మెుయ్ జ్ఖురెస్సి, తదితరులు పాల్గొన్నారు.
మేడ్చల్ కలెక్టరేట్ వద్ద పతాకావిష్కరణ చేసిన కలెక్టర్ గౌతం
మేడ్చల్ జిల్లాను అన్ని రంగాలలో అభివృద్ధి చేసేందుకు కృషి చేయాలని పిలుపు…
ప్రభ న్యూస్, ప్రతినిధి, మేడ్చల్, జూన్ 2: మేడ్చల్ జిల్లాను అన్ని రంగాల్లో అభివృద్ధి చేసేందుకు ప్రతి ఒక్కరూ కృషి చేయాలని జిల్లా కలెక్టర్ గౌతం కోరారు. తెలంగాణ రాష్ట్ర అవతరణ దశాబ్ది ఉత్సవాలను పురస్కరించుకుని మేడ్చల్ జిల్లా కలెక్టరేట్ వద్ద నిరాడంబ‌రంగా వేడుకల‌ను నిర్వహించారు. కలెక్టర్ పోలీస్ గౌరవ వందనం స్వీకరించిన తర్వాత జాతీయ పతాకాన్ని ఆవిష్కరించి, సందేశం ఇచ్చారు.
ఈ సందర్భంగా కలెక్టర్ మాట్లాడుతూ…. మేడ్చల్ జిల్లాను అన్ని రంగాల్లో అగ్రగామిగా నిలపడానికి అందరూ కృషి చేయాలని పిలుపునిచ్చారు. తెలంగాణ రాష్ట్రం ఏర్పడి 10సంవత్సరాలు పూర్తి చేసుకుని 11వ సంవత్సరంలోకి అడుగిడుతున్న వేళ జిల్లా ప్రజలందరికీ కలెక్టర్ రాష్ట్ర అవతరణ దినోత్సవ శుభాకాంక్షలు తెలిపారు. ఈ కార్యక్రమంలో అదనపు కలెక్టర్ అభిషేక్ అగస్త్య, విజేందర్ రెడ్డి, డి.సి.పి నిఖిత పంత్, జిల్లా అధికారులు, పోలీస్ అధికారులు, కలెక్టరేట్ సిబ్బంది, పాల్గొన్నారు.
