సమాచారం అంతా ఒకేద‌గ్గ‌ర నిక్షిప్తం
భ‌విష్య‌త్తు ప్రణాళికలకు ఇదే కీల‌కం
డిప్యూటీ సీఎం భ‌ట్టి విక్ర‌మార్క
ఆంధ్ర‌ప్ర‌భ స్మార్ట్‌, హైద‌రాబాద్ : కుల గ‌ణ‌న కార్యక్రమం విప్ల‌వాత్మ‌క కార్య‌క్ర‌మ‌మ‌ని డిప్యూటీ సీఎం భ‌ట్టి విక్ర‌మార్క అన్నారు. బుధ‌వారం ఆయ‌న మీడియాతో మాట్లాడారు. సమాజంలో అనేక అంశాలపై ఇంటింటి సర్వే నిర్వ‌హిస్తున్నామ‌న్నారు. రాజ్యాంగంలో పొందుపరిచిన సామాజిక న్యాయం కోసం ప్రయత్నంలో భాగంగా ఈ సర్వే జ‌రుగుతుంద‌న్నారు.
సమాచారం నిక్షిప్తం
డిప్యూటీ సీఎం మాట్లాడుతూ ఆర్థిక, సామాజిక, రాజకీయ, కుల, మత, విద్యా, వ్యవసాయం ఇలా అనేక అంశాలపై సమాచార సేకరణను భవిష్యత్తులో ఉపయోగపడేలా సమాచారం నిక్షిప్తంగా ఉంటుంద‌న్నారు. తెలంగాణప్రభుత్వం చేపట్టిన ఈ కార్యక్రమం దేశానికి మార్గదర్శిగా ఉంటుంద‌న్నారు.
భ‌విష్య‌త్తు ప్రణాళికలకు దోహ‌దం
రాహుల్ సూచ‌న మేర‌కు నిర్వ‌హిస్తున్న ఈ సర్వే.. భవిష్యత్తులో అనేక ప్రణాళికలకు దోహ‌ద‌ప‌డుతుంద‌ని భ‌ట్టి అన్నారు. స‌ర్వేకు స‌హ‌క‌రించాల‌ని ప్రగతిశీల నాయకులకు ఆయ‌న విజ్ఞప్తి చేశారు. సమస్యలు లేకుండా 150 ఇళ్లు మాత్రమే ప్రతి 10 మంది ఎన్యుమారెటర్లకు అప్ప‌గించామ‌న్నారు. అలాగే ఒక పర్యవేక్షణ అధికారికి బాధ్యతలు అప్ప‌గించిన‌ట్లు చెప్పారు.