బాలాపూర్ జూలై 23 ప్రభ న్యూస్ తెలంగాణ రాష్ట్రంలో టిడిపికి ప్రజల్లో స్పందన తగ్గలేదని, కార్యకర్తలు నాయకులు టిడిపికి బలమైన కార్యకర్తలు ఉన్నారని వచ్చే ఎన్నికల్లో టిడిపికి పూర్వ వైభవం వస్తుందని టిడిపి రాష్ట్ర అధ్యక్షుదు కాసాని జ్ఞానేశ్వర్ అన్నారు ఆదివారం మీర్ పెట్ మున్సిపల్ కార్పొరేషన్ బాలాపూర్ చౌరస్తాలోనీ ఎస్ ఎల్ ఎస్ ఎన్ కాలనీలోని టిడిపి మహేశ్వరం నియోజకవర్గం కార్యాలయం ప్రారంభోత్సవ కార్యక్రమానికి ముఖ్య అతిథిగా హాజరైన కాసాని జ్ఞానేశ్వర్, స్థానిక కార్పొరేటర్ ఎడ్ల మల్లేష్ ముదిరాజ్ పాల్గొని ప్రారంభించారు
ఈ సందర్భంగా ఆయన మాట్లాడుతూ తెలంగాణ రాష్ట్రంలో ప్రజలు టిడిపికి బ్రహ్మరథం పడుతున్నారని తెలిపారు . దివంగత ఎన్టీ రామారావు ఎన్నో పథకాలను తీసుకొచ్చి తెలుగుదేశాన్ని నిలబెట్టారని తెలిపారు. బీసీలకు పెద్దపీట వేసింది టిడిపి అన్నారు. చంద్రబాబు నాయుడు తెలంగాణ రాష్ట్రాన్ని ప్రపంచంలోనే నెంబర్ వన్ స్థానంలో ఉంచారని తెలిపారు. మహేశ్వరం నియోజకవర్గంలో ఎడ్ల మల్లేష్ ముదిరాజ్ ఆధ్వర్యంలో ఎన్నో కార్యక్రమాలు చేపడతామని తెలిపారు. అనంతరం మందమల్లమ్మ చౌరస్తా నుండి బాలాపూర్ చౌరస్తా వరకు పెద్ద ఎత్తున టిడిపి ర్యాలీ నిర్వహించారు
మహేశ్వరం నియోజకవర్గం టిడిపి ఇన్చార్జిగా ఎడ్ల మల్లేష్ ముదిరాజ్
మహేశ్వరి నియోజకవర్గం టిడిపి ఇన్చార్జిగా ఎడ్ల మల్లేష్ ముదిరాజును నియమించినట్లు రాష్ట్ర టిడిపి అధ్యక్షులు కాసాని జ్ఞానేశ్వర్ తెలిపారు ఈ సందర్భంగా ఎడ్ల మల్లేష్ మాట్లాడుతూ తనపై నమ్మకం ఉంచి నియోజకవర్గం ఇన్చార్జి ఇవ్వడం జరిగింది అన్నారు పార్టీ బలోపేతానికి తన వంతు కృషి చేస్తానని తెలిపారు.
ఈ కార్యక్రమంలో టిడిపి నాయకులు కాసాని వీరేష్ ముదిరాజ్, ప్రకాశం ముదిరాజ్ బాలరాజ్ సురేష్, చౌహాన్, రాజేష్ రెడ్డి ముత్యాల వాసు సాగర్ , కొమరేష్, నరేష్, శ్రీశైలం, మల్లేష్, రాము నాయక్, నర్సింగ్ ,శీను, పెద్ద ఎత్తున ఆకులు కార్యకర్తలు పాల్గొన్నారు