Tansi : అక్రమ రేషన్ బియ్యానికి అడ్డుకట్ట పడేనా…!

తాంసి (ప్రభాన్యూస్) : ఆదిలాబాద్ జిల్లా వ్యాప్తంగా అక్రమ రేషన్ బియ్యాన్నీ అడ్డుకునే వారే లేరా అంటే..?అవుననే సమాధానం వస్తుంది.జిల్లాలోని తాంసి, తలమడుగు, భీంపూర్ మండలాలో ని గ్రామాలలో రేషన్ కార్డు దారుల నుంచి చిరు వ్యాపారులు రూపాయలు 17 తక్కువ ధరతో కొనుగోలు చేసి జిల్లా కేంద్రంలో ఏర్పాటు చేసిన డంప్ కేంద్రాలలో(దళారులకు) 30 రూపాలతో అమ్ముతున్నట్లు తెలుస్తోంది.కేంద్ర,రాష్ట్ర ప్రభుత్వాలు పేదల కడుపు నింపాలనే ఉదేశ్యం తో రేషన్ కార్డు లబ్దిదారులకు ఉచితంగా బియ్యాన్ని అందజేస్తున్నారు.లబ్దిదారులు సైతం దొడ్డు బియ్యం తినడానికి ఆసక్తి చూపడం లేదు ఇదే ఆసరాగా చేసుకుని చిరు వ్యాపారులు తక్కువ ధరకు కొనుగోలు చేసి అక్రమంగా బియ్యాన్ని తరలిస్తూ సొమ్ము చేసుకుంటున్నారు.ఇదంతా చూస్తున్న పౌరసరఫరాల శాఖ అధికారులు, రెవెన్యూశాఖ అధికారులు, టాస్క్ ఫోర్స్ పోలీసులు చూసి చూడనట్లు వ్యవహరించడం గమనార్హం.