ఇవాళ ఉప్పల్ స్టేడియంలో సన్‌రైజర్స్ హైదరాబాద్, రాయల్ ఛాలెంజర్స్ బెంగళూరు మ‌ధ్య మ్యాచ్ జ‌ర‌గ‌నుంది. ఈ సంద‌ర్భంగా స్టేడియం ప‌రిస‌రాల్లో పోలీసులు ట్రాఫిక్ ఆంక్ష‌లు విధించారు. మ్యాచ్ దృష్ట్యా ట్రాఫిక్‌ను మళ్లిస్తున్నట్టు రాచకొండ సీపీ తరుణ్‌జోషి పేర్కొన్నారు.
- Advertisement -
సాయంత్రం 4 గంటల నుంచి రాత్రి 11.30 వరకూ చెంగిచర్ల, బోడుప్పల్, ఫిర్జాదిగూడ నుంచి ఉప్పల్ వైపునకు వచ్చే వాహనాలు హెచ్ఎండీఏ భగాయత్ లేఅవుట్ మీదుగా నాగోల్ వైపు మళ్లిస్తారు. ఎల్బీనగర్, నాగోల్ మీదుగా ఉప్పల్‌కు వచ్చే వాహనాలను నాగోల్ మెట్రోస్టేషన్ వద్ద యూటర్న్ తీసుకొని భగాయత్ లేఅవుట్ మీదుగా బోడుప్పల్, ఫీర్జాదిగూడ వైపు వెళ్లాలి. తార్నాక నుంచి ఉప్పల్ వైపు వచ్చే వాహనాలు హబ్సిగూడ మీదుగా నాచారం, మల్లాపూర్ వైపునకు మళ్లిస్తారు.