వికారాబాద్, జూన్ 12 (ప్రభ న్యూస్): మోమిన్ పేట మండల కేంద్రంలో కోటి 50లక్షల రూపాయలతో నిర్మించిన 30పడకల ఆసుపత్రిని వికారాబాద్ జిల్లా పరిషత్ చైర్పర్సన్ పట్నం సునీత మహేందర్ రెడ్డి, తెలంగాణ రాష్ట్ర శాసనసభ స్పీకర్ గడ్డం ప్రసాద్ కుమార్, జిల్లా కలెక్టర్ నారాయణరెడ్డి ప్రారంభించారు. బుధవారం మూమిళ్లపేట్ లో ఏర్పాటు చేసిన ప్రారంభం కార్యక్రమంలో వాళ్లు పాల్గొన్నారు.
ఈ సందర్భంగా సునీత రెడ్డి మాట్లాడుతూ… ప్రజలకు మెరుగైన సౌకర్యం, సదుపాయం కల్పించడం కోసం ప్రభుత్వం 30పడకల ఆస్పత్రిని ప్రారంభిస్తున్నట్టు తెలిపారు. ప్రజలు ఈ అవకాశాన్ని సద్వినియోగం చేసుకోవాలని ఆమె సూచించారు. స్పీకర్ ప్రసాద్ కుమార్ మాట్లాడుతూ… ప్రజల సంక్షేమం కోసం ఈ ప్రభుత్వ ఆసుపత్రిని ప్రారంభించడం జరిగిందన్నారు. ఈ కార్యక్రమంలో డిఎంహెచ్వో పాల్వన్ కుమార్, తదితరులు పాల్గొన్నారు.