హైద‌రాబాద్ – తెలంగాణ ఆర్టీసీలో సమ్మె సైరన్ మోగనుంది. నాలుగేళ్ల తర్వాత మళ్లీ ఆర్టీసీ కార్మికులు స‌మ్మెబాట పట్టనున్నారు. ఈ మేర‌కు నేటి సాయంత్రం ఆర్టీసీ ఎండీ సజ్జనార్ కు కార్మిక సంఘాలు బస్ భవన్‌లో నోటీసు ఇవ్వనున్నాయి. ఎన్నో ఏళ్లుగా పెండింగ్‌లో ఉన్న తమ డిమాండ్లను పరిష్కరంచాలని ఆర్టీసీ జేఏసీ నేతలు డిమాండ్ చేస్తున్నారు.
2021 నుంచి వేతన సవరణ, దాంతో పాటు ట్రేడ్ యూనియన్లపై ఆంక్షల ఎత్తివేత, ఆర్టీసీ ఉద్యోగుల విలీనం తదితర డిమాండ్లతో సజ్జనార్‌కు సమ్మె నోటీసు ఇవ్వనున్నారు. ఇక ప్రైవేటు ఎల్రక్టిక్ బస్సులు అద్దెకు తీసుకోవడం వల్ల ఉద్యోగ అవకాశాలు దూరం అవుతున్నాయని, దీనిపై కూడా పునరాలోచన చేయాలని ఉద్యోగులు డిమాండ్ చేస్తున్నారు.
- Advertisement -